Elə böyük qüdrət olaydı məndə,
Yalan qoymayaydım Yer Kürəsində.
Üstünü alaydım bir anda şərin
Böhtan qoymayaydım Yer Kürəsində.
Elə ayıraydım yaxşını,pisi
Aşikar olaydı düzü,əyrisi.
Biryolluq ataydım gora iblisi,
Şeytan qoymayaydım Yer Kürəsində.
O göz çıxsın düzü əyri görürsə,
Yaşasın o kəslər haqqa səs versə
Üzdə suilanı,daxildə gürzə,
İlan qoymayaydım Yer Kürəsində.
Dünyanın boynundan asılmış nəhəng,
Belə yaman şişlər xərçəngdir,xərçəng.
Daxildə bir rəngdə,üzdə başqa rəng
Olan qoymayaydım Yer Kürəsində.
Bizi nə gözləyir bilmirik sabah,
Adam var əfidir,adam var ufaq
Dünyanın qızıyam,dünyaya nifaq
Salan qoymayaydım Yer Kürəsində.
Yaxşılar az olur,nədənsə çox az,
Göbələk tək artır naşı,anlamaz.
Fitnələr törədib üstündən namaz,
Qılan qoymayaydım Yer Kürəsində.
Yayın istisində,çovğunda,qarda,
Köməkçi olaydım,kim qalsa darda.
Yurdu dağıdılıb boz çadırlarda
Qalan qoymayaydım Yer Kürəsində.
Ödəyib onların ehtiyacını,
Qovaydım cahandan qəmi,acını.
Elim deyə-deyə yolub saçını
Yolan qoymayaydım Yer Kürəsində.
Nurlandırıb soluxan bənizləri,
Başa keçirəydim sözüdüzləri
Nadan qarşısında qəmdən gözləri
Dolan qoymayaydım Yer Kürəsində.
Bir dünya quraydım qadadan kənar,
Məni aqil qanar,nadanlar qınar
Gecə də gəzəydim əlimdə fanar
Nalan qoymayaydım Yer Kürəsində.
Sevinc paylamaqçün hər bir mahala
Çataydı qüdrətim,düşəydim yola
Gecə-gündüz qan hissiylə xəyala
Dalan qoymayaydım Yer Kürəsində.
Keçəydi insanlar məhək daşından,
Üzüağ çıxaydı haqq savaşından
Xoşbəxtliyi tökülən göz yaşından
Alan qoymayaydım Yer Kürəsində.
Lüğətlərdən dava sözün pozaydım,
Qəlbimin səsinə qulaq asaydım
Sülh sözün Günəşə,Aya yazaydım
Talan qoymayaydım Yer Kürəsində.
Haqqın elçisinə çevriləydim mən,
Səmalarda qoymayaydım duman,çən
Qırğından,bəladan,dərddən,ələmdən
Solan qoymayaydım Yer Kürəsində.
Olaydım cahanda güllər bitirən,
Könüllərə xeyir xəbər yetirən.
Bəşər aləminə xələr gətirən
Plan qoymayaydım Yer Kürəsində.
“Yer kürəsində” yazısı üçün 14 şərh var
Şərhinizi bildirin
Sayt haqqında
Bu e-jurnal Azərbaycan gənc ədiblərinə həsr olunub və onlar tərəfindən ərsəyə gətirilib. Nəzərinizə çatdıraq ki, sayta mütəmadi olaraq yeni əsərlər yerləşdirilir. Bu e-meydanda ədəbiyyata könül verən hər bir gəncimiz öz əsərlərini təqdim edə və saytımızda yayınlaya bilər. Məqsəd Azərbaycan ədəbiyyatı naminə gənc ədiblərə net aləminə çıxmağa imkan yaratmaq, onları virtual oxucularla tanış etmək və bu sahədə olan boşluqları doldurmaqdır. Bunun üçün sadəcə bizimlə əlaqə saxlayın.
"Bizimki"də çap ol, bizimkilərdən ol!
Abunəlik
Yüklənir...Ən çox səs verilən
- Öpüm mən
(4.78 ilə 5 arası) - Öldüm
(4.66 ilə 5 arası) - Keçə bilmədiyim yollar (4.58 ilə 5 arası)
- Humanizm
(3.67 ilə 5 arası) - Lit.az - yeni ədəbiyyat saytı (2.77 ilə 5 arası)
- Azərbaycan (2.71 ilə 5 arası)
- Bizimki yeniliklərlə (2.67 ilə 5 arası)
- Nina (2.45 ilə 5 arası)
- Ölüm qoxulu ev (2.43 ilə 5 arası)
- Yarpaqlar niyə ölürlər? (2.33 ilə 5 arası)
Reklam
Müsabiqə
Şahanə
Sentyabr 17th, 2007 at 11:17
Zehra xanim, bele dehsetli seyler yazmayin bir de. Ozunuze yaziqiniz gelmir, bize yaziqiniz gelsin!
Arzulariniz mohtesem olduqu qeder elcatmaz, seiriniz zeif olduqu qeder de yorucudur.
Serxan Xezer
Sentyabr 17th, 2007 at 13:02
seiri bu qeder uzatmaq olmaz.qafiyeler tapib onlara uygun olaraq seiri uzatmisiz.talan,qalan,falan-filan….
cox mutalie etmelisiniz….
scorpion
Sentyabr 17th, 2007 at 14:17
Zəhra xanım “şeiriniz” çox uzun olsa da sonda yenə bir bənd çatışmır… Sizin yazdıqlarınız səviyyədə olmasa da hər halda sinəmə bir bənd gəldi sonluq üçün deməyi lazım bildim:
“Yox” deyib ədəbi məzar qazmağa,
Sürtük qafiyyəynən şeir yazmağa,
Rədif axtarmağa, misra yozmağa
Güman qoymayaydım Yer kürəsində.
Təxminən belə bir şey…
Sizə uğurlar arzulayıram!!!
ehtiram
Sentyabr 18th, 2007 at 13:11
primitiv ashiq sheiri.scorpionla razilashiram..
scorpion
Sentyabr 18th, 2007 at 17:10
Ehtiram bəy!!! Aşıq şeiri primitiv deyil!!! İstedadsız insanlar hər janrda primitiv və səviyyəsiz “əsərlər” yaratmaq qüdrətindədirlər…
MEN
Sentyabr 18th, 2007 at 22:00
Gozel xeyirxah ideyalarla dolu bir sherdir.. ugurlar..
Zəhra Səmimi
Sentyabr 19th, 2007 at 10:06
Fikirlərinizə görə təşəkkür edirəm.Scorpion,sizin də fikirlərinizə hörmətlə yanaşıram.Digərləri üçün yazdığınız şərhlərdən də görürəm ki, düzgün tənqidçisiniz.Çox xahiş edirəm öz şeirlərinizdən ən xoşunuza gələnini mənim e-mailimə göndərin.Bununla mən anlayacam ki,şeirlərimə ya tamam,ya da davam etmək lazımdır.Əgər şeirlərə son qoyası olsam siz bir istedadsızı şeirdən uzaqlaşdırdığınıza görə xoşbət sayıla bilərsiniz.
zehrasemimi@mail.ru
scorpion
Sentyabr 19th, 2007 at 10:52
Zəhra xanım mənim tənqidi fikirlərimə belə dözümlə və səbrlə yanaşdığınız üçün sağ olun!!! Bu çoxlarında çatışmayan xüsusiyyətdir. O ki, qaldı öz şeirimə xoşbəxtlikdən (bəlkə də bədbəxtlikdən) mən şeir yazmıram. Ancaq şeir haqqında, ümumiyyətlə ədəbiyyat haqqında gələcəkdə fikirlərimizi “Bizimki- forum”da bölüşə bilərik.
Yeri gəlmişkən nəhayət ki, “Bizimki- forum”un açılmasını alqışlayıram və bütün ədəbiyyatsevərləri burada gedən müzakirələrdə fəal iştirak eləməyə çağırıram.
Aslan
Sentyabr 19th, 2007 at 11:16
Zəhra xanım, salam! Şeirinizdən çox şərhlərə belə soyuqqanlı, obyektiv yanaşmanız xoşuma gəldi. Kimin üçün bu şərhlər yazılsaydı indi buralarda göyün üzü tutulmuş, tufan qopmuşdu, azından soyuq səmt küləkləri əsirdi.
Şeirinizə gələndə isə, unutmayın ki, bu cür, bu üslubda, bu tip şeirlər çox yazılıb, elələrini tanıyıram ilk öncə qafiyələri tapıb vərəqlərə düzür, sonra misra axtarışına başlayırdı. Bütün hallarda tapdalanmış cığırlarda uğur əldə eləmək çox çətindir. Bunca əziyyət çəkib bu uzunluqda yorucu, hər şeyi, bütün dəyərləri üzdə olan şeir yazıncan, öz yolunuzu seçin. Daha qısa, yığcam, lirik, poeziya ovqatına köklənən, işıqlı şeirlər yazın. Onda sizə də asan olacaq.
Qaldı kiminsə təklifi ilə şeir yazmağa davam eləmək, ya da yazmağa son qoymaq yanlış işdi. Bu istəklə olmur, qəlbinin hökmü ilə başladınmı, sona qədər davam eləyirsən. Sonrası da cəsarətli, iradəli olun, hər tənqidə görə ruhdan düşməyin, ümidsizliyə qapılmayın! İmzanızı yenə də görəcəyimizə əminəm və mən Sizin yazılarınızı həmişə oxuyacağam. Uğurlar!
Zəhra Səmimi
Sentyabr 19th, 2007 at 11:33
Amma mən hansısa saytda scorpion nikli müəllifin bir neçə şeirini oxumuşdum.Təəssüf ki,nə həmin şeirlər,nə də həmin sayt yadımda deyil.İndi yadıma düşəndə düşündüm ki,bu elə sizsiniz.Ona görə də bir şeirinizi istədim.
Nə isə,ola bilsin o da ayrı scorpion imiş.
ehtiram
Sentyabr 19th, 2007 at 19:39
scorpion, eslinde ashiq sheirini primitiv teqlid yaza bilerdim,indiki ashiqlarimizin sheirini ,ancaq efsus ki,bizim indiki ashiqlarimizin ne yazmagi, ne oxumagi meni qane etmir.
Mail Qasimov
Sentyabr 26th, 2007 at 21:08
cox gozel serdi tesekkur edirem.
Zəhra Səmimi
Sentyabr 27th, 2007 at 09:28
Aslan bəy,Mail bəy təşəkkür edirəm fikirlərinizə görə.
Aslan bəy,şərhiniz ətrafında düşünməyə dəyər.O ki qaldı şeir yazıb yazmamagıma,təbii ki bunu insan özü etmir,şeir özü yaranır.Mən sadəcə demək istəyirdim ki,şeirlərimlə insanları yormayacağam.Yəni ürəyimi boşaltmaq üçün yazdıqlarımı özüm üçün saxlayacam.Əgər mənim istədiyimi etsəydilər! O da ki,baş tutmadı.Ona görə hələ şerlərimi kimlərəsə göstərməkdən vaz keçməmişəm.Amma çalışacam sizlərin tənqlərinizdən nəticə çıxarım.
Firangiz
Oktyabr 5th, 2007 at 22:16
Duzu oxudugum adi ,yorucu sheirlerdendir ,amma yenede cox agilli insansiniz sherhlere bele munasibet cox xoshuma geldi ,bashqalari olsaydi Aslan m.dediyi kimi indi tufan qopmushdu,halal olsun )))