Bitən payızın son yadigarı- boz yarpaq qonub pəncərəmə. Asta-asta, aram-aram gözəl qızın hekayətini pıçıldayır mənə: «Kökləri boz torpağa uzanan, boz gövdəli ağacın boz yarpağıydım. Ancaq mavi donlu çiçək bitdi. Ləçəklərini yellədərək qonaq gəldi boz dünyamıza. Saçlarını günəş sığallamışdı sanki, şəfəq saçırdı. Gözlərindən səma öpmüşdü sanki, bərq vururdu. O, gözəl qısa şəlalələr don geyindirmişdi. Xoşbəxtlik şərabı ilə dolu qədəhə bənzəyirdi. Elə hey aşıb-daşır, dünyamızı dəyişirdi…
İndi boz dünyamızda mavi gözlü, sarı saçlı gözəl oynayırdı. O, yarpaqların xışıltısın, küləklərin pıçıltısın oğurlamışdı. Gözəl qızın saçlarından axıb-süzülən şəfəqlər, bir fırça olub, dünyamızı yenidən rəngləyirdi. Gözəl qızın rəqsi dərdli qəlblərə məlhəm, yaralı ürəklərə əlac olmuşdu. Bir gün məndə ayılıb, artıq boz olmadığımı gördüm. İndi mən də yamyaşıl idim. Sevincimdən qəlbim titrədi, əsdi…Və qəfildən yanımdakı qonşumun saralıb, quruduğunu gördüm. O, payızadək dözə bilməmişdi. Gözəl qız da bunu gördü. Gözəl qızın rəqsi bitdi. O, dayandı, durdu. «- Yarpaqlar ölürlər?!». Gözəl qız ağladl, inlədi. Xoşbəxt dünyamız yenidən qaranlıqlaşdı. Gözəl qız oynamadı. İldırım çaxdı. Yağışlar yağdı, saçlarının sarılığı, gözlərinin maviliyi itdi. Gözəl qızın. Şəlalələr donlarını geri istədilər…
İndi həmin ağacın altında bir qız oturub. Yağışlarla ağlayır, küləklərlə çırpınır. Soruşur, soruşur. Soruşur : «Yarpaqlar niyə ölürlər?
“Yarpaqlar niyə ölürlər?” yazısı üçün 12 şərh var
Şərhinizi bildirin
Sayt haqqında
Bu e-jurnal Azərbaycan gənc ədiblərinə həsr olunub və onlar tərəfindən ərsəyə gətirilib. Nəzərinizə çatdıraq ki, sayta mütəmadi olaraq yeni əsərlər yerləşdirilir. Bu e-meydanda ədəbiyyata könül verən hər bir gəncimiz öz əsərlərini təqdim edə və saytımızda yayınlaya bilər. Məqsəd Azərbaycan ədəbiyyatı naminə gənc ədiblərə net aləminə çıxmağa imkan yaratmaq, onları virtual oxucularla tanış etmək və bu sahədə olan boşluqları doldurmaqdır. Bunun üçün sadəcə bizimlə əlaqə saxlayın.
"Bizimki"də çap ol, bizimkilərdən ol!
Abunəlik
Yüklənir...Ən çox səs verilən
- Öpüm mən
(4.78 ilə 5 arası) - Öldüm
(4.66 ilə 5 arası) - Keçə bilmədiyim yollar (4.58 ilə 5 arası)
- Humanizm
(3.67 ilə 5 arası) - Lit.az - yeni ədəbiyyat saytı (2.77 ilə 5 arası)
- Azərbaycan (2.71 ilə 5 arası)
- Bizimki yeniliklərlə (2.67 ilə 5 arası)
- Nina (2.45 ilə 5 arası)
- Ölüm qoxulu ev (2.43 ilə 5 arası)
- Yarpaqlar niyə ölürlər? (2.33 ilə 5 arası)
Reklam
Müsabiqə
Novarg
Sentyabr 24th, 2007 at 17:59
…yarpaq ölmədi, budaqdan ahəstəcə düşdü ağacın altına…xəzələ döndü…xəzələ döndü ki, gözəl qıza daha yaxın olsun…gözəl qız onu unutmasın, əlinə götürsün, qoxlasın, ətrini sinəsinə çəksin, sonra ehtiyatla aparıb ən sevimli kitabının vərəqləri arasında saxlasın, onu hər gördüyündə payızın son günlərini xatırlasın…
…indi gözəl qız həmin ağacın altında oturub amma heyhat, daha ağlamır…”yarpaqlar niyə ölür” deyə heç kimdən də soruşmur… gözləyir ki, qış bitsin, yeni yarpaqlar bəzəsin ağacın budaqlarını, o isə, sonuncu yarpaq üçün bəzənsin, saçlarını günəş sığallasın sanki, şəfəq saçsın… gözlərindən səma öpsün, bərq vursun… şəlalələrdən don geyinsin, xoşbəxtlik şərabı ilə dolu qədəhə bənzəsin… elə hey aşıb-daşsın, o yarpağın dünyasını dəyişsin…onu xəzəl olmağa həvəsləndirsin… sonra, sonra… unutsun…
…hər qızın həyatında yaşadığı payız sayı qədər yarpaq xəzəl olsun, hər yarpaq qızın əlində olsun deyə xəzəl olsun, qız isə unutsun…
Elvin Cabay
Sentyabr 24th, 2007 at 19:10
… Tebrik edirem. Yazını oxuduqca kövrek bir qelbin asta ritmini dinlediyimi hiss etdim. Mence bu yazı çox gözel eserlerin xeberçisi idi. Uğurlar arzulayır, yazılarının davamını gözleyir, dergimizin daimi üzvü olmağın dileyirem.
ehtiram
Sentyabr 24th, 2007 at 22:10
gunay ve novarg…eyni hadiseye 2 muxtelif baxish.qeribe olan ise her ikisinin haqli ola bileceyi ehtimali
scorpion
Oktyabr 5th, 2007 at 00:36
Günay sən istedadlı qızsan!!! Sənə uğurlar arzulayıram!!!
Fuzuli Eliyev
Oktyabr 5th, 2007 at 09:50
Salam,
Gunay xanim, Sizi tebrik edirem.
Amma, gunumuzde cox adam idealizm, duygusalliqdan yazir. Bir az da realliqdan, gunumuzun menevi problemlerinin helli yollarindan da yazsaniz yaxsi olar.
Ya’ni problem hell edici texeyyul mehsullari lazimdir, indiki zamanda.
Sag olun,
Islerinizde ugurlar
savalan muganli
Oktyabr 10th, 2007 at 22:08
salam gunay xanim qesheng ve gozel qizsan ancaq yazilarin haqqinda bunu diye bilmiyecem yazilarinin uzerinde ishle
BAXTIYAR ELCAN
Oktyabr 11th, 2007 at 15:09
SALAM.
EDEBIYYATIMIZIN GOZEL ESSELERE EHTIYACI VAR. EMINEM KI, DAHA GOZEL YAZILARINIZLA RASTLASHACAM.
NAMIQ HACIHEYDERLI
Oktyabr 11th, 2007 at 20:59
SEN YAZICHI OLACAQSAN BU KICHIK YAZINI OXUYANDAN SONRA BUNA INANDIM
Skarpi
Oktyabr 12th, 2007 at 11:03
Tebrik edirem…Ugurlar..
arifsulu
Dekabr 11th, 2007 at 21:39
Ehtiram qardaşın dediyi kimi novarg və Günay xanım bir məsələyə 2 fərqli qütbdən yanaşıblar.novarg isə sanki xanımın “yarpaq qəhrəmanına” cavab yollayıb.
Romantizmdə fikirlər incə,dərin,ağrılı,o baxımdan da insanın şəfqət hislərini təhrik edici olur.Əslində bu,aləmşümül bir məsələnin dilə gətirilməsindən ibarətdir.Nədir o məsələ?Fəraq!-ayrılıq!İnsan keçmiş,indi və gələcəklə münasibətdar olduğu üçün hər üç zamanın hadisələriylə əlaqədardır.Keçmişdəki xatirəylə sevinə və ya qəmlənə bilər.Hər bir ayrılıq insan qəlbində bir iz-yara-buraxır,hətta yazıdakı kimi,bir yarpağın budağından qopması belə…Cavab isə novarg-ın yazısında gizlidir…
leman
Mart 14th, 2008 at 18:43
oooooooo BRAVO.Gunay senin bele bacariqlarin da var imish.Tebrikler.Supersen!
men
Mart 14th, 2008 at 20:48
sonra..sonra..unutsun))))))))))))) arifsuluya gore cavab novargin yazisinda gizlidir:her qizin heyatinda yasadigi payiz sayi qeder yarpaq xezel olsun)))
insallah men yalnis anlayiram.