Doqquz İqlim dərgisiBu günlərdə şair Xanəmir Telmanoğlunun “Döqquz iklim” dərgisi işıq üzü gördü. Çətinliklərə baxmayaraq bu dərgi davamlı şəkildə çıxmağı bacarır. Hər sayısı bir-birindən daha fərqli və rəngarəng olaraq oxucuların görüşünə gələn “9 iklim” dərgisi bu dəfəki sayısında da əvvəlki ənənəsinə sadiq qalaraq “Orhun Yenisey” əlifbasını üz qabığında sərgiləyib. Özünün də yazdığı kimi Azərbaycanda ilk dəfə sağdan sola doğru oxunan bu ədəbi bədii fikir dərgisi hətda bir yeniliyə də əl ataraq və -dən, ki-dən yazılarda imtina etməyi təklif edir. Heç bir işçi qüvvəsi, ofisi, maliyyə qaynağı olmayan dərgi yeni sayısında dünyaca ünlü yazar Koelhonun ən maraqlı bir əsərindən tərcümə, Master Li Edqarın şeirlərini, dünya ədəbi cərəyanlarının bir neçəsinin manifestosunu, Azər Abdullayla ilginc müsahibə, son zamanlar yaranmış gənc Azərbaycan yazarlarından oluşan Çölçülər Ədəbiyyat Mərkəzinin üzvülərinə mənsub yazarların yaradıcılıq nümunələrini, Türk ədəbiyyatından fərqli seçmələri, AYB-nin yürütdüyü mənfi ədəbi siyasəti konkret şəkildə tənqid edən yazıları oxuculara təqdim edir. Dərginin çağdaş Turançılıq anlayışına , dünyanın dəyişən mədəni xərtəsinə aid yazıları maraq doğurur.
Dərgini bütün metro stansiyalarındaki qəzet - jurnal satış köşklərindən əldə etmək mümkündür.