İlk gündən, ilk andan qorxdum sənsiz qalmaqdan. Elə ilk gündən də sənsiz oldum, sənsiz qaldım. Qismətim sənsizlik oldu. Sevgim lal-kar oldu, dünyamda sakitlik, səssizlik oldu. Qulağım da sükutdan yoruldu. Canım, vücudum da sevdalılar dünyasından qovuldu. Məskən saldım göylərdə, Allahın yanında bəslədim səni öz ətimlə, qanımla saxladım səni öz ətində, qanında yaşatdım bu yazıq canımda.

Davamı »

Çapını yenidən bərpa edən «Milli Yol» qəzetinin hər cümə axşamı buraxılışında ədəbiyyat əlavəsi çap olunacaq. «Qəzet içində qəzet» kimi çap  ediləcək əlavəni yazar Elnur Astanbəyli hazırlayacaq. Əlavənin bu cümə axşamı sayında gənc yazar xanım Günel Mövludla müsahibə, AYB-çiləri ironik sancmalar, ən son ədəbiyyat xəbərləri  ilə yanaşı Yazıçılar Birliyi daxilindəki son qarşıdurmalar və bunun arxasındakı mənzil müəmması haqqında araşdırma, eləcə də digər materiallar yer alacaq.
Beləliklə, artıq həftənin cümə axşamı «Milli Yol»da ədəbiyyat əlavəsini qaçırmayın.

Mənbə: KultAz

Bu şəhərdə adamlar
Bir-birinin cibində.
Yatır dostlar, qohumlar
Ciblərinin dibində

Ciblər gəlir üz-üzə,
Ciblər adam daşıyır.
Bu şəhərdə adamlar,
Ciblərində yaşıyır.
Davamı »

Bu gün sahilində dayanacağam,
Səninlə söhbətə gəlirəm, Xəzər.
Sirrimi tək sənə mən açacağam,
Səndə pənahımı gəzirəm, Xəzər.

Sən də dalğalısan illər boyunca,
Mənim ürəyim tək dayanmayırsan.
İnsan rahat olur həmdərd olunca,
Nədəndi dərdimə inanmayırsan?

Davamı »

“ümidimi itirmiş halda
oturmuşsan,

göz yaşların gözlərindən
işartıyla yanaqlarına süzülür
ruhunun sahib olduğu
bədənin əzabıyla qovuşur

bu görüşmələr cox uzun
çəkir , bilirəm

Davamı »

      Savaşdan qayıtdı, üç il döyüşmüş, yaralanmış, yorulmuşdu. Onu qəhrəman kimi qarşılamadılar, xoş üz göstərən olmadı. Döyüşçü, zavallı döyüşçü, xəyalında minlərlə qarşılama səhnələri yaradan, qabağına qaçanları, onu qucaqlayıb bağrına basanları dəfələrlə xəyalında canlandıran Qabil heç nə başa düşə bilmirdi. Anası danışır, döyüşçü heyrətlə qulaq asırdı. Yardımlını digər bölgələrlə bağlayan bircə yol var, qar yağdımı, o da kəsilir. Adamlar unu, qəndi, çayı, lampanı, nefti, hətta qaloşu da İrandan gətirirlər. Mis, aliminium aparırlar, köhnə mis qabları əzir, dirəklərdən məftilləri açırlar. Bizimsə gedənimiz yoxdu, qardaşların kiçik, atan xəstə, ümid bircə sənədi. Döyüşçü çaşıb qalmışdı, necə yəni. Bəs qanun, vətən, torpaq?

Davamı »

“Yazar” qəzetinin növbəti- 4-cü sayı işıq üzü görüb. Qəzetdə Elxan Zal Qaraxanlı, Qəışəm Nəcəfzadənin, Mübariz Xanağalının, Fəehad Amurun şeirləri, Kənan Hacının hekayəsi, Zahir Əzəmətin müsahibəsi, İlqar Fəhminin tərcüməsində Dmitri Zatonskinin “Postmodernizm tarixi interyerdə” tərcüməsi, Aydın Xanın “Milli yaradıcı intellektuallığın Anar Zirvəsi”, Oqtay Hacımusalının, Seyid Raminin köşləri və başqa materiallar yer alıb.

“Pərvanə” ədəbi məclisi 1919-cu ildə Cəfər Cabbarlının təşəbbüsü ilə M.Ə.Sabir adına Mərkəzi Şəhər kitabxanasında yaradılıb. İlk sədri də C. Cabbarlı  olub. Bu məclisə o vaxtlar M. S. Ordubadi , H. Cavid və başqa görkəmli sənətkarlar gəlirdi. Daha sonralar  S. Vurğun, R. Rza, M. Müşfiq, Ə Cavad  və başqa gənc ədiblər bu poeziya ocağına gələrək yeni şeirlərini oxumuş və buradan parvazlanaraq böyük sənət yollarına çıxmışlar. Adlarını çəkdiyimiz şairlər ayrı-ayrı vaxtlarda bu məçlisə rəhbərlik etmişlər. “Pərvanə” ədəbi məclisi 40-cı illərdə Böyuk Vətən Müharibəsi ilə əlaqədar olaraq xeyli zəifləyir- daha sonralar- 50-ci illərdə  bu məclis B. Vahabzadə, H. Arif, A.Əlizadə, K. Kələntərli, B. Nəbiyev ;  60-cı illərdə Ə.Kərim, F. Qoca, F. Sadıq, İ. İsmayılzadə, Ə. Salahzadə; 70-ci illərdə S. Rüstəmxanlı, S. Səxavət, N, Kəsəmənli, R. Rövşən , 80-ci illərdə M. Ələkbərlinin iştirakı və rəhbərliyi ilə ədəbi prosesi ardıcıl izləyən poeziya ocağına çevrilir.
80-ci illərin sonunda Qarabağ hadisələri ilə bağlı “Pərvanə”  öz fəaliyyətini yenidən dayandırır. Bir az kecdikdən sonra 1999-cu ildə  məclis Qəşəm Nəcəfzadənin təşəbbüsü və rəhbərliyi ilə yenidən fəaliyyətə başlayır. 6 ildən sonra Pərvanə öz məşğələlərinə bir daha fasilə verir.Ədəbi müzakirələr canlı ünsüyyətdən qəzet və internet müstəvisinə keçir.Bir az keçdikdən sonra canlı müzakirəyə, toplantıya da maraq yenidən artır. Buna əsasən  bu günlərdə “Pərvanə”  öz fəliyyətini yenidən pərpa edib. Məclis hər bazar günü saat 14 00-da M. Ə.Sabir adına Mərkəzi Şəhər Kitabxanasın oxu zalında (İslam Səfərli küçəsi 13) öz məşğələlərini davam etdirir. Məclisin sədri Qəşəm Nəcəfzadə  onu da qeyd etdi  ki, iki illik fasilə bu poeziya toplantısına böyük ehtiyac olduğunu göstərdi. Cünki respubilkamızda “Pərvanə” kimi müasir ədəbi prosesə, yeniliyə təkan verən və ədəbi prosesi təhlil edən ikinci uzun ömürlü bir məclis yoxdur. Burada şeirlər oxunur, sonra həmin şeirlər ciddi  müzakirə  obyektinə çevrilir.
Maraqlananlar iştirak edə bilərlər.

Mənbə: KultAz

Bu dünya fırlanan bir yelləncək
Bütün hər kimlər gəlib yelləncək
Ya yüz illik, ya bir dəqiqəlik
Axırda qurtarıb sona yetəcək

Dayanmasan belə, özü dayanacaq
Səni endirib başqasın alacaq
Bu şərtdir, mütləqdir haqq olaraq
Sən sərnişin, o bir dayanacaq
Davamı »