Yazar arxivi
Savaşdan qayıtdı, üç il döyüşmüş, yaralanmış, yorulmuşdu. Onu qəhrəman kimi qarşılamadılar, xoş üz göstərən olmadı. Döyüşçü, zavallı döyüşçü, xəyalında minlərlə qarşılama səhnələri yaradan, qabağına qaçanları, onu qucaqlayıb bağrına basanları dəfələrlə xəyalında canlandıran Qabil heç nə başa düşə bilmirdi. Anası danışır, döyüşçü heyrətlə qulaq asırdı. Yardımlını digər bölgələrlə bağlayan bircə yol var, qar yağdımı, o da kəsilir. Adamlar unu, qəndi, çayı, lampanı, nefti, hətta qaloşu da İrandan gətirirlər. Mis, aliminium aparırlar, köhnə mis qabları əzir, dirəklərdən məftilləri açırlar. Bizimsə gedənimiz yoxdu, qardaşların kiçik, atan xəstə, ümid bircə sənədi. Döyüşçü çaşıb qalmışdı, necə yəni. Bəs qanun, vətən, torpaq?
- Bölmə: Nəsr
- 548 oxunma
- 33 Şərh var
- Açar sözlər: Aslan Quliyev, Aslanin hekayeleri, hekaye, Yardımlının ən kasıb Qabili
Əslən Azərbaycanın Gəncə şəhərindən olan A.Uğur Olgar 1951-ci ildə Türkiyənin Kayseri şəhərində doğulmuşdur. Bir çox ədəbi jurnallarda əsərləri dərc olunan yazarın 2004-cü ildə “Şiire cemre düştü”, 2007-ci ildə isə “Öteki Düşkenar” adlı şeirlər kitabı çap olunub. Hal-hazırda “Andız / Şiir ve Edebiyat Konalgası” adlı seçkinin yayın redaktorluğu ilə məşğul olan şair, eyni zamanda “Ədəbiyyatçılar Dərnəyi” və “Dil Dərnəyi”nin üzvüdür. Sizlərə Aslan Quliyevin tərcüməsi ilə Uğur Olgarın “Nina” adlı əsərini təqdim edirik.
- Bölmə: Tərcümə
- 654 oxunma
- 12 Şərh var
- Açar sözlər: A.Uğur Olgar, Aslan Quliyev, nina, Tərcümə
Qapının ağzında atılıb düşür, hirsindən sözünü deyə bilmirdi. Ay qız, qışqırırdı, nədi, mənə ürəyin yanır? Haçandan belə canı yanan olubsan? Əxlaq mənimdi, qoy pozulsun, zay olsun! «Ürəyim yanıb eləmir? - ondan fərqli olaraq qız sakit danışırdı, ancaq gülüşünü güclə boğduğu aydın hiss olunurdu. – Əslində mənim üçün fərqi yoxdu, pozulsun da. Bu gün də olmasa, sabah pozulacaq. Sadəcə, şərtimiz var, şərt kəsəndə baş işlətməliydin!»
- Bölmə: Nəsr
- 922 oxunma
- 19 Şərh var
- Açar sözlər: Aslan Quliyev, nesr eseri, nəsr əsəri, Qonshu qiz, Qonşu qız
Dəstəkdən cingiltili, ürəyə yatan qız səsi gəlirdi, bu səsdə nəsə bir qəribəlik var idi. Mən sizinlə üzbəüz binada oluram, qız deyirdi, aşağıda, ağacların arasındakı çəmənlikdə uçan kəpənəyi mənim üçün tuta bilərsənmi?
Heyrətdən özünü itirmiş halda ayağa qalxıb pəncərə qabağına gəldi, aşağı, qızın dediyi çəmənliyə baxdı. Doğrudan da otların, çiçəklərin arasıyla qızılı qanadlı, gözəl, iri bir kəpənək uçurdu.
- Demək, tutum? – inamsızlıqla səsləndi.
- Hə də!
- Kəpənəyi?
- Bəs sən nəyi tutmaq istəyirsən? - qız səbirsizliklə dilləndi.
- Mən heç nəyi! Nəyə görə də tutmalıymışam?
- Xahiş edirəm, ona görə.
- Bölmə: Nəsr
- 1,162 oxunma
- 20 Şərh var
- Açar sözlər: Qonşu qız aslan quliyev nesr
Maşını həyət qapısının yanındakı nəhəng, qollu-budaqlı palıd ağacının kölgəsində saxlayıb düşdü. Həyəcanlıydı, qapını bağlayanda əlləri əsirdi. Qara çay daşları döşənmiş pillələri qalxanda isə qıçları da əsir, özünü ələ ala bilmirdi. Doğrudanmı sağalmışdı? Səsindəki gümrahlıq, əvvəlki saflıq, cingilti qızdakı dəyişiklikdən xəbər verirdi, ancaq ayağa durduğuna, hətta qaçdığına heç cür inanmırdı.
- Bölmə: Nəsr
- 1,763 oxunma
- 12 Şərh var
Qara çay daşları döşənmiş pillələrlə üzü yuxarı qalxır, qızın onu necə qarşılayacağını fikirləşdikcə, həyəcanlanırdı. Doqquz ildən artıqdı görüşmədikləri. İndiyə dəyişərdi, illər izsiz keçmir. Bəlkə heç deyəcəkdi nahaq gəlibsən, mən səni tanımıram?
Həyətdə onu dolu bədənli, gözəl bir qadın qarşıladı, baxan kimi qadının Yeganənin anası olduğunu başa düşdü. Qadın o qədər cavan qalmışdı ki, heyrətini gizləyə bilmədi, belə cavan qadının o yaşda qızı olduğuna kim inanardı? Yanaqlarından qan damır, baxışlarında gizli bir ehtiras alışıb yanırdı. Nədənsə ona hövsələsiz halda qulaq asırdı, demək, tələbə yoldaşısan, onu axtarıb tapacağına söz veribsən, nə demək olar. Sözünə əməl eləyibsən, əsl kişilər kimi! Keç, içəridədi. İkinci mərtəbədə.
- Bölmə: Nəsr
- 1,893 oxunma
- 24 Şərh var
Payız günəşi qüruba əyiləndə mazut və günəbaxan yağı qoxuyan küçələri dolaşdıqca qəlbində qüssəli duyğular baş qaldırır, böyük şəhərdə özünü, yad, qərib hesab eləyirdi. Qızların gülüşləri, evlər, maşınlar, səkinin qırağındakı şoran torpaqdan baş qaldıran payız gülləri, şam ağacları belə ona yad gəlirdi.
Damları qırla örtülmüş həyət evlərinin arasındakı daşlı, çınqıllı cığırla gedir, hansısa evin qapısını döyməyə tərəddüd eləyirdi. Nəhayət tünd göy rəngli dəmir qapının qarşısında ayaq saxlayıb zəngi basdı. Qapını kənd qızlarına oxşayan boyasız, bəzəksiz qəşəng bir qız açdı. Güllü çit don geymiş, saçlarını arxaya verib yoğun hörük hörmüş, sifəti, boynu gündə yanıb tunc rəngi almış qız ayaqyalın idi, ayaqlarına xına sürtmüşdü. Özünü itirmiş halda, sıxıla-sıxıla dilləndi.
- Bölmə: Nəsr
- 2,872 oxunma
- 30 Şərh var
Sayt haqqında
Bu e-jurnal Azərbaycan gənc ədiblərinə həsr olunub və onlar tərəfindən ərsəyə gətirilib. Nəzərinizə çatdıraq ki, sayta mütəmadi olaraq yeni əsərlər yerləşdirilir. Bu e-meydanda ədəbiyyata könül verən hər bir gəncimiz öz əsərlərini təqdim edə və saytımızda yayınlaya bilər. Məqsəd Azərbaycan ədəbiyyatı naminə gənc ədiblərə net aləminə çıxmağa imkan yaratmaq, onları virtual oxucularla tanış etmək və bu sahədə olan boşluqları doldurmaqdır. Bunun üçün sadəcə bizimlə əlaqə saxlayın.
"Bizimki"də çap ol, bizimkilərdən ol!
Abunəlik
Yüklənir...Reklam
Müsabiqə
