Gənc şairənin bu adda şeirlər kitabı çapdan çıxıb

Gənc şairə Leyla Mətinin “Nədən yazım?” adlı ilk şeirlər kitabı çapdan çıxıb. “Nurlan” nəşriyyatında buraxılan topluda şairənin “Bir mən bilirəm ki”, “Mən ola bilsən”, “Xəzər”, “Həyat nədir?”, “Uzaqsan” adlı şeirləri dərc olunub.
Xatırladaq ki, son illər Leyla Mətin imzası ilə yerli mətbuatda silsilə şeirlər çap olunub. Şairə eyni zamanda Türkiyə Şairləri Birliyinin İnternet səhifəsində, Azərbaycan yazarlarının təsis etdikləri “Bizimki” gənc ədəbi elektron jurnalında şeirləri ilə çıxış edib.40 səhifəlik “Nədən yazım” toplusunda Leyla Mətin məhəbbətdən, doğma Xəzərdən yazıb, İlahiyə ünvanladığı kəlmələri dilə gətirib. Misralarında özünü əcaib zamanın bəndəsi kimi qələmə verən müəllif bəlkə də əsri səhv saldığını söyləyir.

Azərbaycan internet məkanında daha bir ədəbiyyat saytı fəaliyyətə başladı. Lit.az ünvanında yerləşən saytın yaradıcıları yaş və ədəbi baxış fərqi qoymadan hamını dərc etmək və çoxəsrlik tarixi köklərə malik Azərbaycan ədəbiyyatını təbliğ etmək məqsədi daşıdıqlarını bildirirlər: “Keçmişli, bugünlü ədəbiyyatımızı gənclərə sevdirmək, onların mütaliəsinə yardım etmək, milli poeziya, nəsr, ədəbi tərcümə, ədəbi tənqid ənənələrinin yaxşı mənada davamına, bu və ya digər istiqamətdə dəyişdirilməyinə və təkmilləşdirilməyinə nail olmaq başlıca amalımızdır. Bu məqsədlə portalda istedadlı, yaşlı və gənc ədəbi nəslin nümayənədələri (bir yerdə!) dərc olunacaq”.
Biz də bu gözəl işdə həmkarlarımıza uğur arzulayırıq.

Kultaz

Həmid Herisçi və İlhamiyyə Rzayevanın “Gecə kanalı” layihəsi kitab halında işıq üzü görüb. Təqribən 600 səhifədən ibarət olan kitaba müəlliflərin “Gündəlik Azərbaycan” və “Alma” qəzetlərində dərc etdikləri 20 layihə toplanıb.
Yazılarda Leninin necə zəhərlənməsindən tutmuş, Türkiyədə məhbəsdə ölüm aclığına başlayan, həyatını öz ideyalarına qurban verən inqilabçılardan, Ziya Bünyadovun ölümünün sirlərindən, Hacı Məmmədovun gizlinlərindən, Azərbaycan televiziya məkanında baş verən qaranlıq məqamlara qədər çox şey əhatə olunub.
Parlaq və oxunaqlı üslubda qələmə alınmış kitabda oxucular fəlsəfə, ədəbiyyat, həyat, siyasət… bir sözlə hər şey haqqında maraqlı parçalar oxuya bilərlər.
Kitab məhdudu tirajda çap olunub. Əldə eytmək istəyənlər “Alma” qəzetinin redaksiyasına müraciət edə bilərlər. Qiyməti 5 manatdır.
Əlaqə telefonu: 012-596-47-18

Güney azərbaycanlı filosof və yazıçı Eyvaz Tahanın “Şeir varlığın evidir” başlıqlı kitabı 2006-ci ilin kitabı seçildi. Təbrizdə çıxan “Heydər Baba” həftəliyinin verdiyi xəbərə görə, dörd ay, ay ərzində bir çox yazıçılar, şairlər, ziyalılar və tənqidçilərdən aparılmış rəy sorgusunda bu kitab 162 xal toplayaraq Güney Azərbaycanda ilin kitabı seçilmişdir. Rəy sorğusunda xaricdə yaşayan azərbaycanlılar da iştirak etmişdir. “Şeir varlığın evidir” kitabında söhbət şeirin estetikasından gedir.

Gənc şair Sevinc Şılğının özəl ədəbiyyat saytı fəaliyyətə başlayıb (www.chilginsevinc.tk). Saytda müəllifin son illərdə yazdığı şeirləri, hekayələri, publisistik yazıları yerləşdirilib.
Bundan əlavə şairin sözlərinə bəstələnən mahnıları da saytdan yükləyib dinləmək olar.Qafqaz Universitetinin “Türk dili və ədəbiyyatı” fakültəsindən magistr dərəcəsi üzrə məzun olan Sevinc Çılğının türk ədəbiyyatının tanınmış ismləri Naili-i Kadim və Cahit Sıtkı Tarancı haqqında elmi araşdırmaları da saytda maraq doğuran materiallardandır.
Saytın mütəmadi yenilənəcəyini bildirən müəllif oxucuların burada hər bir mətnə ayrıca şərh yazmaq, münasibət bildirmək imkanına da malik olduğunu bildirdi.
Qey edək ki, yaxınlarda müəllifin Azad Yazarlar Ocağının kitabxanası seriyasından “Mən©2006” şeirlər kitabı işıq üzü görüb.

Jurnalın bu sayında Günel Mövlud, Sevinc Pərvanə, Şəhriyar Sarıca, Azad Yaşar, Şərif Ağayar, Elmin Həsənli, Divanə Ozan, və digər yazarları, həmçinin yeni imzaların hekayə və şeirlərini, Aqşin, Rasim Qaraca, Qan Turalı, Seymur Baycan, Ağalar Məmmədov, Elçin Səlcuq və digər müəlliflərin yazılarını, Həmid Herisçinin “Əli və Nino” romanından parçanı oxumaq şansı qazanacaqsınız.

Alatoran “Jurnal içərisində jurnal” layihəsini davam etdirməkdədir. Bu sayda, siz həmin layihə çərçivəsində “Poesia” (İtaliya), “Literaturen” (Almaniya) jurnallarından seçmələri oxuya biləcəksiniz.

Juranlı iyulun 3-dən etibarən “Metro Servis”lərdən əldə edə bilərsiniz.

Yazıçılar Birliyinin “Natəvan” klubunda bugünlərdə Hollandiyada keçirilən 38-ci Beynəlxalq Poeziya Festivalına qatılmış şair Qəşəm Nəcəfzadənin iştirakı ilə tədbir gerçəkləşdi. 1970-ci ildə təsis olunan festival Avropa məkanında iki böyük bu tipli tədbirdən biri, Hollandiyada isə ildə bir dəfə keçirilən yeganə poeziya festivalıdır. Festivalın əsas məqsədi dünya şairlərini bir-birinə tanıtmaq, ən başlıcası isə Avropaya ədəbi inteqrasiyanı sürətləndirməkdir. Dünya ölkələrindən 23 şairin qatıldığı bu tədbirdə Amerika, İspaniya, Fransa, Yaponiya, Rusiya, Gürcüstan, Almaniya, Estoniya, Misir və başqa ölkələrdən tanınmış qələm adamları iştirak ediblər.

Davamı »

Artıq “Metro-servis” və “Qaya”-nın köşklərindən, habelə redaksiyadan jurnalı istəyə bilərsiniz (tel: 427-31-93; 641 98 27)
Anons:
Digər tərəfdən, uzun illər – 1970-80-ci illərdən elə həmin poetik və ictimai-siyasi məcrada bəslənən dekadans şeiri doğma mühitinə – azad seçim və fəaliyyət sferasına girərək, yeni bir şiddətlə intişar tapmışdı; bu isə, milli modernizmin ləngimiş, gərəyincə dərk olunmamış, ixtiyari axınını təmin edirdi: V.Səmədoğlu, R.Rövşən, V.B.Önər şeirinin ardınca yeni bir dalğa irəli gəlmişdi…

(Azərbaycan şeirinə rezüme yazısından)