Qaydalar

“Bizimki” gənc ədəbi e-jurnalında öz yazınızı çap olunanlar sırasında görmək istəyirsinizsə, əvvəlcə yazı qəbulu qaydalarımızla tanış olun:

ÜMUMİ MÜDDƏALAR

1. “Bizimki” gənc ədəbi e-jurnalın məqsədi
“Bizimki” gənc ədəbi e-jurnal olub, məqsədi gənclərin ədəbiyyat adına iddialı, müxtəlif səpgili əsərlərini dərc etmək, internet məkanında dövriyyəyə buraxmaqdır.

2. “Bizimki” gənc ədəbi e-jurnalın prinsipləri
2.1. “Bizimki” gənc ədəbi e-jurnal öz fəaliyyətində aşağıdakı prinsipləri rəhbər tutur:
2.1.1. Azərbaycan xalqının milli-mənəvi dəyərlərinə sadiqlik.
2.1.2. Bərabərlik (Mənşəyindən, cinsindən, yaşından, dinindən, əmlak vəziyyətindən, qulluq mövqeyindən, siyasi partiyalara, digər ictimai birliklərə mənsubiyyətindən və başqa bu kimi meyarlardan asılı olmayaraq, müəlliflərə dərc edilmək üçün bərabər imkanlar yaradılır. Əsas iş meyarı yazıların ədəbi keyfiyyətidir).
2.1.3. Açıqlıq (Dərc edilmək üçün göndərilmiş yazılarla bağlı müəlliflərilə əlaqə saxlanılır və müəlliflər yazılarına münasibətdə baş verənlər barədə məlumatlandırılır).
2.1.4. Neytrallıq (Hər hansı fiziki və hüquqi şəxsin təbliğinə üstünlük verilmir, siyasi prioritetlərlə idarə olunmur).
2.1.5. Fikir müxtəlifliyi.

ƏSƏRLƏRİN QƏBULU VƏ E-JURNALDA DƏRCİ

3. “Bizimki” gənc ədəbi e-jurnalda əsərlərin qəbulu qaydaları
3.1. Əsərlər admin@bizimki.org adlı elektron poçt ünvanında və ya Redaksiya Heyətinin üzvlərinə şəxsən təqdim edilməklə qəbul edilir.
3.2. Əsər təqdim edilərkən, təxəllüslə dərc edilib-edilməməsindən asılı olmayaraq, müəllif həqiqi adını və soyadını Redaksiya Heyətinə bildirməlidir.
3.3. Əsərlər e-jurnalın elektron ünvanına istənilən vaxt göndərilə bilər. Müəllifə göndərdiyi əsər ilə bağlı cavab (dərc edilməsi, qəbul olunmaması, dərcinin təxirə salınması və s.) əsərin e-jurnalın elektron ünvanına daxil olduğu və ya Redaksiya Heyətinin üzvünə şəxsən təqdim edildiyi tarixdən ən geci 14 (on dörd) təqvim günü müddətində verilir.

4. Əsərlərə dair tələblər
4.1. Dərc edilmək üçün təqdim edilən əsər əvvəllər dərc edilmiş olmamalıdır. Elektron və ya qeyri-elektron dövri mətbuatda əvvəllər dərc edilmiş, lakin ədəbi keyfiyyəti yüksək olan əsərlər Redaksiya Heyətinin qərarı ilə istisna qaydasında e-jurnalda yerləşdirilə bilər.
4.2. Əsərlər “Microsoft Word” proqramında Azərbaycan şriftləri ilə yığılmalı və Azərbaycan dilinin qrammatik qaydalarına uyğun olmalıdır.
4.3. Əsərlərdə ümumi qəbul olunmuş dil normalarından kənara çıxmalara yalnız onların yüksək ədəbi dəyəri açıq-aşkar olduğu (məs: yeni söz yaradılması) halda yol verilir.

5. “Bizimki” gənc ədəbi e-jurnalda əsərlərin dərc edilməsi qaydaları
5.1. Dərc üçün təqdim edilmiş əsərin e-jurnalın növbəti nömrəsində və ya digər konkret buraxılışında gedib-getməyəcəyini, əsərlərin e-jurnalda yerləşdirilmə ardıcıllığını Redaksiya Heyəti müəyyən edir.
5.2. Əsərlər Redaksiya Heyəti tərəfindən müəllifin üslubuna, əsərin ideyasına, əsas quruluşuna (süjet, istifadə edilən ədəbi fəndlər və s.) xələl gətirmədən redaktə oluna bilər. Əsərin redaktə olunmuş son dərc variantı yalnız müəlliflə razılaşdırıldıqdan sonra e-jurnalda dövriyyəyə buraxılır.
5.3. Əsərini e-jurnala təqdim etmiş müəllif əsərin e-jurnalda yerləşdirilməsinə qədər onun dərcindən imtina edə, yazısını geri götürə bilər. Dərc edilmiş yazıların sonradan silinməsi, e-jurnaldan çıxarılması barədə qərarın qəbulu e-jurnalın Redaksiya Heyətinin müstəsna səlahiyyətinə aiddir.
5.4. Müəllifin fotosu, həqiqi adı və soyadı yalnız müəllifin razılığı ilə e-jurnalda açıqlana bilər.

TƏRƏFLƏRİN MƏSULİYYƏTİ

6. “Bizimki” gənc ədəbi e-jurnalın məsuliyyəti
6.2. “Bizimki” gənc ədəbi e-jurnal müəlliflərin müəlliflik hüquqlarını tanıyır və bu hüquqları qəsdən pozmağa görə müəllif qarşısında məsuliyyət daşıyır.
6.3. “Bizimki” gənc ədəbi e-jurnal hər hansı əsərin məzmununa görə məsuliyyət daşımır. Redaksiya Heyətinin mövqeyi ilə müəllifin mövqeyi üst-üstə düşməyə bilər.
6.4. Əsərlərdə ifadə olunan fikirlər birbaşa açıqlaması olmazsa, e-jurnalın Redaksiya Heyətinin mövqeyi deyil və belə qəbul oluna bilməz.
6.5. “Bizimki” gənc ədəbi e-jurnal müəlliflər arasında və ya müəllif-oxucu arasında baş verən mübahisələrə, münaqişələrə, onların həllinə, həmin münaqişələr e-jurnalın işinə açıqdan-açığa mənfi təsir etməzsə, e-jurnalda gedən əsərlərlə əlaqəsi olmazsa və e-jurnal şərhlərində ifadə olunmazsa, qarışmır. Bu halda münaqişələrə münasibətini bildirmək Redaksiya Heyətinin seçiminə bağlıdır.

7. Müəllifin məsuliyyəti
Müəllif dərc üçün təqdim etdiyi əsər və ya onun həqiqi müəllifi haqda e-jurnalın Redaksiya Heyətinə yalan məlumat verməyə, əsərin kollektiv və ya şərikli əsər olduğu hallarda başqalarının müəlliflik hüquqlarını pozmağa, eləcə də müəlliflik hüquqlarının pozulmasına səbəb olan digər bu kimi hallara yol verməyə görə e-jurnal qarşısında və Azərbaycan Respublikasında müəlliflik hüququ və əlaqəli hüquqlar haqqında qüvvədə olan qanunvericilik üzrə məsuliyyət daşıyır.
Belə hal olarsa, Redaksiya Heyəti həmin şəxsin e-jurnala girişini səbəbləri göstərilməklə daimi bağlayır.

8. Ümumi şərtlər
8.1. İstənilən yazı şərhə açıqdır və oxucular tərəfindən şərh oluna bilər. Müəlliflər, müəllif – oxucu arasında şəxsi xarakterli, məzmunlu şərhlər, ittihamlar yolverilməzdir və qadağandır. Bu qayda hər hansı müəllif və ya oxucu tərəfindən dəfələrlə pozularsa, e-jurnalın Redaksiya Heyəti tənbeh tədbiri olaraq, həmin şəxsin e-jurnala girişini səbəbləri və müddəti göstərilməklə, müvəqqəti və ya daimi bağlamaq səlahiyyətinə malikdir.
8.2. İstənilən xarakterli təhqir qadağandır. “Bizimki” gənc ədəbi e-jurnalın Redaksiya Heyəti tənbeh tədbiri olaraq, təhqirə yol vermiş şəxsin e-jurnala girişini səbəbləri və müddəti göstərilməklə, müvəqqəti və ya daimi bağlamaq səlahiyyətinə malikdir.

“Bizimki”də çap ol, bizimkilərdən ol!